SAHAR

وەزیری دەرەوەی ئەڵمانیا لە درێژەی سیاسەتەکانی دەستوەردەرانەی ئەم وڵاتە لە شەڕی ئۆکرانیا، بە بیانووی شەڕ بەڵێنی دا چەکی زیاتر بۆ ئەم وڵاتە بنێرێت.

بەگوێرەی ڕاپۆرتی ئاژانسی هەواڵدەریی فرانس پرێس، «ئانالینا بایربۆک» وەزیری دەرەوەی ئەڵمانیا بەڵێنی داوە بە بیانووی شەڕ لەم وڵاتەدا چەکی زیاتر بۆ ئۆکرانیا بنێرێت و پاڵپشتیی ئۆکرانیا بکات بۆ چوونە ناو یەکێتی ئەوروپا.

شەڕی ئۆکرانیا بە هەموو دەرئەنجامە سیاسی و سەربازی و ئابووری و کۆمەڵایەتی و تەنانەت کولتوورییە بەرفراوانەکانییەوە لە یانزە مانگی بەسەردا تێپەڕیوەو تا ئێستاش وڵاتانی ڕۆژئاوا چەک بۆ ئۆکرانیا دەنێرن.

ڕووسیا گەلێک جار ڕایگەیاندووە، ناردنی چەکی ڕۆژئاوا بۆ ئۆکرانیا تەنیا دەبێتە هۆی درێژکردنەوەی ململانێکانی ئەم وڵاتە و دەرئەنجامە پێشبینی نەکراوەکانی .