دانانی سەرۆک ئەرکانی نوێ بۆ هێزی وشکانیی سوپای ڕووسیا
کانونی دوھەم 10, 2023 23:43 Asia/Tehran
وەزارەتی بەرگریی ڕوسیا دەستنیشانکردنی سەرۆکی ئەرکانی نوێی هێزی وشکانیی ئەم وڵاتەی ڕاگەیاند.
بە پێی ڕاپۆرتی ئاژانسی هەواڵدەریی تاس، وەزارەتی بەرگریی ڕووسیا ڕایگەیاند کە حکومەتی ئەم وڵاتە «ئەلێکساندەر لاپین» فەرماندەی پێشووی ناوچەی سەربازیی ناوەندی ڕووسیای وەک سەرۆکی ئەرکانی هێزی وشکانیی ئەم وڵاتە دەستنیشان کردووە.
بەگوێرەی ڕاپۆرتی وەزارەتی بەرگریی ڕووسیا، دەستنیشانکردنی «ئەلێکساندەر لاپین» دوای گۆڕانکارییە بەرفراوانەکانی دیکەی سەرکردایەتیی سەربازیی ئەم وڵاتە دێت لە میانەی ئۆپەراسیۆنە سەربازییە ١١ مانگەکەی لە ئۆکرانیا .
لە ٨ی ئۆکتۆبەری ٢٠٢٢، ژەنەڕاڵ «سێرگی سۆرۆڤیکین» لە هێزی ئاسمانیی ڕووسیا وەک فەرماندەی گشتی هێزەکانی ئەم وڵاتە لە ئۆکرانیا دەستنیشانکرا.
