کەمتەرخەمیی حکومەتی ئەمریکاو گەڕانەوەی تاقمی تیرۆریستی داعش
نوێنەرێکی کۆنگرێسی ئەمریکا شکستی سیاسەتەکانی حکومەتی ئەم وڵاتەی لە مەڕ بەرتەسک کردنەوەی داعش ڕاگەیاند کە بووەتە هۆی ئەوەی کە ئەم گرووپە تیرۆریستییە ببێتەوە بە مەترسییەک بۆ سەر تەواوی جیهان.
«مایک واڵتز»، ئەندامی کۆنگرێسی ئەمریکا، بە ئاماژەدان بە گەڕانەوەی داعش دوابەدوای کەمتەرخەمی نواندنی حکومەتی «جۆ بایدن»، ڕایگەیاند: لە ئەنجامی سیاسەتی حکومەتی ئەمریکا، تاقمی تیرۆریستی داعش گەڕاوەتەوە مەیدان، ئەمەش دوای ئەوەی کە «بایدن» ستراتیژیای بەرەنگار بوونەوەی ئەم گروپە تیرۆریستییەی پەک پێ خستووە.
«واڵتز» جەختی لەوەش کردووەتەوە کە: لە بارودۆخی ئێستادا، هەزاران ئەندامی داعش کە لە وڵاتانی ڕۆژئاوای ئاسیا لە زینداندان، بەدوای دەرفەتێکدا دەگەڕێن بۆ ئەوەی لە زیندان هەڵبێن و دەست بە چالاکییە تیرۆریستییەکانیان بکەنەوە.
«واڵتز» ئەوەشی ڕاگەیاندووە کە: وا ھەڵدەگرێ ئیدارەکەی «بایدن» چارەسەریی کۆتایی بۆ پرسی قۆڵبەستکراوانی داعش بدۆزێتەوە کە زۆربەیان لەژێر کۆنترۆڵی میلیشیا کوردەکاندان لە سوریا.
