SAHAR

ئەنتۆنیۆ گۆتێرێش سکرتێری گشتیی نەتەوەیەکگرتووەکان لە لێدوانێکیدا سەبارەت بە بارودۆخی گۆڕانی ئاووهەوا لە جیهاندا رایگەیاند داڕمانی ئاووهەوا دەستیپێکردووە.

لە لێدوانەکەی سکرتێری گشتیی نەتەوەیەکگرتووەکاندا هاتووە، کە تێیدا سەرنجی لەسەر راگەیاندنی روانگەی کۆپەرنیکۆس داوە سەبارەت بە گەرمترین ناوچەی جیهان لە هاویندا و دەڵێت، “زانایان لە مێژە هۆشدارییانداوە لەبارەی کاریگەرییەکانی پشتبەستنی جیهان بە سووتەمەنیی بەردین”.

ئاماژەی بەوەشکردووە کە تەقینەوەی ئاووهەوا بە رێژەیەکی خێراتر لە توانای جیهان بۆ رووبەڕووبوونەوەی دیاردە توندەکانی کەشوهەوا کە هەموو بەشەکانی زەوی دەگرێتەوە روودەدات و داڕووخانی کەشوهەوا دەستیپێکردووە.