ڕێکخراوی تەندروستیی جیهانی: ناتوانم وشەیەک بدۆزمەوە بۆ دەربڕینی نیگەرانیم لەبارەی غەززەوە
بەڕێوەبەری گشتیی ڕێکخراوی تەندروستیی جیهانی ڕایگەیاند کە نەیتوانیوە وشەیەک بدۆزێتەوە بۆ دەربڕینی نیگەرانیی خۆی سەبارەت بە باروودۆخی غەززە.
"تیدرۆس ئەدهانۆم گێبریسۆس" بەڕێوەبەری گشتیی ڕێکخراوی تەندروستیی جیهانی لە پەیامێکدا لە تۆڕی کۆمەڵایەتی تویتەر سەبارەت بە هێرشە قورسەکانی هێزی داگیرکەری زایۆنی بۆ سەر غەززە ڕایگەیاند: ناتوانم وشەیەک بدۆزمەوە بۆ دەربڕینی نیگەرانیمان سەبارەت بەو دۆخەی کە دەیبینی. ئاگربڕی خێڕا و دەستبەجێ.
بەڕێوەبەری گشتیی ڕێکخراوی تەندروستیی جیهانی لە درێژەدا وتیشی کە ئەو هەواڵانەی سەبارەت بە بۆردومانی قورس و شەڕ و پێکدادانی بێبڕانەوە لە غەززە بە ئێمە دەگەن، بەڕاستی ترسناکن.
تێدرۆس ئەدهانۆم گێبریسۆس ڕایگەیاند: دوێنێ تیمەکەمان سەردانی نەخۆشخانەی ناسری کردووە لە باشووری غەززە. لەم نەخۆشخانەیەدا هەزار نەخۆش چارەسەریان بۆ دەکرێ، لەکاتێکدا کە ئەوە سێ هێندەی توانای نەخۆشخانەکەیە.
