پیشاندانی شکۆ و مەزنایەتیی ژیار و مێژووی ئێران لە چین
کانونی دوھەم 15, 2024 14:30 Asia/Tehran
پێشانگای "شکۆی ئێرانی کەونارا" لە کۆشکی مۆزەخانەی پکەنی پێتەختی چین خەریکی بەڕێوەچوونە.
پێشانگەی ناساندنی مێژوو، ژیار و کلتووری ئێران بە ئامادەبوونی "عەلی دارابی"، جێگری وەزیری گەشتیاریی ئێران و "لی چوون" سەرۆکی ڕێکخراوی میرات و کەلەپووری چین لە کۆشکی مۆزەخانەی پکەن بەرپا کراوە و تا ئاپریلی ٢٠٢٤ کراوە دەبێ. هۆگرانی مێژوو، لایەنگرانی مێژووی ئێران و گەشتیاران دەتوانن بە بینینی شت و مەکی مێژوویی لە پێشانگای "شکۆی ئێرانی کەونارا" کە لە کۆشکی مۆزەخانەی پکەن بەرپا کراوە، لە نزیکەوە ئاشنا بن بە ژیار و شارستانییەت و مێژووی دەوڵەمەندی ئێران.
ئەم پێشانگەیە بە مەبەستی هاندانی گەشتیارانی چینی بۆ سەردان کردنی ئێران و بینینی ناوچە سەرنجراکێشە مێژوویی، کەونارایی و گەشتیارییەکانی ئێران لە کۆشکی مۆزەخانەی پکەن بەرپا کراوە.
