کرملین: پوتین تامەزرۆی چاوپێکەوتنە لەگەڵ پزیشکیان
وتەبێژی کۆشکی کرملین وێڕای ئاماژە بەوەی کە سەرۆک کۆماری نوێی کۆماری ئیسلامی ئێران بەرلەمە بانگهێشتی کۆبوونەوەی سەرۆکانی بریکس لە کازان کراوە پێداگریشی کرد کە ولادیمیر پوتین تامەزرۆی چاوپێکەوتنە لەگەڵ مەسعود پزیشکیان.
"دیمیتری پسکۆف" وێرای ڕاگەیاندنی ئەوەی کە ئێران وەک ئەندامێکی نوێی ڕێکخراوی بریکس بەرلەمە بانگهێشتی کۆبوونەوەی سەرۆکانی بریکس کە بڕیارە لەمانگی ئۆکتۆبر لە کازان بەڕێوە بچێ کراوە، وتیشی: هیواخوازین سەرۆک کۆماری نوێی ئێران بەشداری ئەو کۆبوونەوە بێ و دڵخۆش دەبین بە هاتنی و پوتین"یش خەریکە ئامادە دەبێ بۆ چاوپێکەوتنی لەگەڵ پزیشکیان لەو کۆبوونەوەدا.
سەرۆکی ڕوسیا ڕۆژی هەشتی مانگی جولای لە وتووێژێکی تەلەیفوونی لەگەڵ هاوتا ئێرانیەکەی پیرۆزبایی کردبوو بەبۆنەی سەرکەوتنەکەیەوەو دواتریش پزیشکیان لە پەیوەندیەکی تەلەفوونی دا ئامادەیی خۆی بۆ واژۆی بەرنووسی هاریکاری ستراتیژیکی نێوان تاران و مۆسکۆی لە پەراوێزی کۆبوونەوەی سەرۆکانی بریکس لە کازانی ڕاگەیاندبوو بە هاوتا ڕوسەکەی.
ئێران لە یەکی مانگی ژانویەی ئەمساڵی زایۆنی بوە ئەندامی فەرمی ئەنجومەنی بریکس.
