زۆرتربوونی مەودای دەنگەکای هریس و ترامپ تا ڕادەی سەدی چوار
بەپێی دوایین ڕاپرسیەکانی هەواڵدەری ڕۆیتێرز و بنیاتی ڕاپرسی ئیپسووس کاملا هەریسی بەربژێری دیموکڕاتەکانی ئەمریکا بۆ پۆستی سەرۆک کۆماری وڵاتەکەیان بە ڕادەی سەدی چوار پێش خەنیمەکەی واتە دۆناڵد ترامپی بەربژێری کۆماریخوازەکان کەوتۆتەوە.
بەپێێ ڕاپرسی بنیاتی ڕاپرسی ئیپسووس کە دوێنێ پێنج شەم بەڕێوە چوو کامێلا هەریسی بەربژێری دیموکڕاتەکانی ئەمریکا بۆ اسەرۆکایەتی ئەو وڵاتە سەدی ٤٥ و دۆناڵد ترامپی بەربژێری کۆماریەکان سەدی ٤١ی دەنگەکان وەدەست دێنن.
ئەوەش لەکاتێکدایە کە نوێترین ڕاپرسی سەرانسەری و نیشتمانی لە ئەمریکا بەدیاری دەخا کە کامیلا هەریس بە مەودای سەدی ٧ لە دۆناڵد ترامپی بەربژێری کۆماریەکان لەپێشترە.
ئەو ڕاپرسیەش لەلایەن زانکۆی دیکینسۆن"ەوە لە ١٧ تا ٢٠ی مانگی ئاگۆست بەڕێوە چووبوو کە ٨٠١ کەس تێیدا بەشداریان کرد.
ئاکامی ئەو ڕاپرسیە بەدیاری دەخا کە کامێلا هەریس سەدی پەنجای دەنگەکانی دەستەبەر کردوون و دۆناڵد ترامپیش ٤٣ لەسەدی وەدەست هێناوەو سەدی حەوتی بەشداربوەکانیش ڕایانگەیاندوە کە حەز دەکەن دەنگ بدەنە بەربژێرێکی دیکەی جگە لەو دوو کەسە.
