ئۆلیانۆف ڕۆژاوای تۆمەتبار کرد بە تەگەرەنانەوە لە پرۆسەی دانوستانەکانی ئێران و ئاژانس
نوێنەری هەمیشەیی ڕووسیا لە ڕێکخراوە نێودەوڵەتییەکانی سەقامگیر لە ڤییەنا، ستراتژیی تێکدەرانەی ڕۆژاوای بە لەمپەری سەر ڕێگای بەرەوپێشەوەچوون و بە ئاکام گەیشتنی دانوستانەکانی نێوان ئێران و ئاژانسی نێودەوڵەتیی وزەی ئەتۆمی زانی لە پێناو چارەسەرکردنی ئەو پرس و بابەتانەی لە چوارچێوی سیستەمی چاودرێری و کۆنترۆڵدا هێشتایش هەر چارەسەر نەکراون.
میخاییل ئۆلیانۆف ڕاشیگەیاند: ئەوەی کە بڵێین دانوستانەکانی نیوان ئێران و ئاژانس هیچ پێشکەوتنێکی بە خۆیوە نەبینیوە، ڕاست نییە و هەڵەیە، هەرچەن ئەو پێشکەوتنە بەرتەسکە و بەردەوام بەرەوڕووی کێشە و تەگەرە دەبێتەوە.
ناوبراو وتیشی: یەکێک لە ڕووداوە گرینگەکانی ئەمدوایە، سەردانی بەڕێوەبەری گشتیی ئاژانسی نێودەوڵەتیی وزەی ئەتۆمی لە ئێران بوو لە ڕۆژانی ناوەڕاستی نۆڤەمبردا. لەم سەفەرەدا رافائێل گرۆسی بە دیدار لەگەڵ بەرپرسانی ئێران دەستیشی دایە سەردان کردنی ژمارێک لە دام ودەزگە ئەتۆمییەکان، لەوان ئەو دامودەزگانەی کە واوەتر لە ڕێککەوتنی ئێران و ئاژانس لە بواری جێبەجێ کردنی سیستەمەکانی چاودێری و کۆنترۆڵدا بوون و ئەم سەفەرە هەلی پێوەندی لەگەڵ حکومەتی تازەی ئێرانی ڕەخساند، بەم حاڵەشەوە هەر ئەم وڵاتە ڕۆژاواییانە، بەتایبەت ئەمریکا، بەریتانیا، ئەڵمان و فەرەنسا، لە جیاتی پاڵپشتی کردنی خاڵە تەبایی لەسەر کراوەکان و ڕەخساندنی هەلی پێویست بۆ جێبەجێکرانیان، ڕێگا و کرداری تێکدەرانەیان گرتە بەر، ئەوان لە کۆبوونەوەی نۆڤەمبەری ئەنجومەنی بڕیاردەراندا، پێشنیاری بڕیارنامەیەکی دژەئێرانییان دا کە بە دەنگی زۆربەی وڵاتانی ڕۆژاوایی پەسەنکرا. ئاساییە، لە وەها ڕەشێکی سیاسیدا، ئێران نەک هەر نەیتوانی ڕێککەوتنەکانی لەگەڵ بەڕێوەبەری گشتیی ئاژانس جێبەجێ بکات بەڵکوو دەستیشی دایە زیاتر بەرهەمهێنانی یۆرانیۆمی ٦٠%.
