ڕووسیا : ئوکراین زیاتر لە 800 سەربازی دیکەی لە دەسدا
کانونی دوھەم 18, 2025 18:59 Asia/Tehran
وەزارەتی بەرگری ڕووسیا دوایین ئاماری کوژراوان و زیانە سەربازییەکانی ئەرتەشی ئوکراینی ڕاگەیاند
وەزارەتی بەرگری ڕووسیا ئەمڕۆ ڕایگەیاند کە ئەرتەشی ئوکراین لە تێکهەڵچوون لە ناوچەی ئوپڕاسیونیی گرووپی جەنگیی زاپاد زیاتر لە 470 سەربازی خوی لە دەسدا لە تێکهەڵچوون لە ناوچەی ژێر کونتڕوڵی گروپی شەڕی دەنیەر و سیویەری ڕوسیاش 95 سەربازی ئوکراینی کوژران و بریندار بوون . ئەرتەشی ئوکراین هەروەها نزیک بە دوسەد و چل و پێنج سەربازی خۆی لە ناوچەی ئوپڕاسیونی گرووپی شەڕی یوگ لە دەسدا . وەزارەتی بەرگری ڕووسیا ڕایگەیاند کە سیستمەکانی بەرگری ئاسمانی ڕووسیا هەشتا و سێ خۆفڕی ئوکراینی خستووەتە خوارەوە . وەزارەتی بەرگری ڕووسیا هەروەها باسی هەڵمەتێکی سەرکەوتووی کرد بۆ سەر دامەزراوەکانی پیشە سازی بەرگری ئوکراین .
