دەرکردنی١٠ هەزار فەرمانبەری حکومەت لە ئەمریکا
لە سەرەتای دەستپێکردنی پلانی دۆناڵد ترەمپ بۆ بچووککردنەوەی حکومەتی ئەمریکا، نزیکەی 10 هەزار فەرمانبەری فیدراڵی لە کارەکانیان دەرکراون .
ڕاپۆرتەکان ئاماژە بەوە دەکەن کە لە دوای دەستپێکردنی پلانەکەی دۆناڵد ترەمپ، سەرۆکی ئەمریکا بۆ بچووککردنەوەی حکومەت و کەمکردنەوەی خەرجییەکانی حکومەت، نزیکەی ١٠ هەزار فەرمانبەری فیدراڵی لە کارەکانیان دوورخراونەتەوە. کارمەندانی بەشەکان و دامەزراوە جیاوازەکان لە ئەمریکا، لەوانە کاروباری وزە، کاروباری سه ربازه دێرینەکان، کشتوکاڵ، تەندروستی، لە چەند هەفتەی ڕابردوودا ژمارەیەکی زۆر لە کارمەندانی ئەو بەشانە لە کارەکانیان دوورخراونەتەوە و زۆر کەسی دیکەش مەترسی دەرکردنیان لەسەرە کاتێک گرێبەستی دامەزراندنیان کۆتایی دێت. کۆشکی سپی ڕایگەیاند کە دەرکردنی ئەو فەرمانبەرانە جیاوازە لە گەڵاڵەی دەرکردنی ئەو ٧٥ هەزار کارمەندەی کە ترەمپ پێشنیاری کردبوو دەر بکرێن و داوای لیان کردووە کە خۆبەخشانە کارەکانیان بەجێبهێڵن. سەرۆکی ئەمریکا بە بیانووی گەورە بوونی حکومەتی فیدراڵی پلانێکی بەرفراوانی دەرکردنی فەرمانبەرانی حکومەتی دەستپێکرد.
