ڕوسیا ناوچەیەکی دیکە لە دونتسکی ئازاد کرد
هێزەکانی ئەرتەشی ڕووسیا ئەمڕو ناوچەیەکی دیکە لە دونتسکیان ئازاد کرد.
وەزارەتی بەرگری ڕووسیا ئەمڕۆ ڕایگەیاند هێزەکانی ئەرتەشی ئەو وڵاتە لە درێژەی پێشڕەوییەکانی خۆی لە دونتسک شارۆچکەی بروزوفکایان کونترول کرد. وەزارەتی بەرگری ڕووسیا پێشتریش ڕاپۆڕتێکی سەبارەت بە پێشکەوتنی ئوپڕاسیونی سەربازی تایبەت و دەسکەوتە سەرەکیەکانی هێزە چەکدارەکانی ڕووسیا بڵاو کردەوە و ڕایگەیاند بوو کە ئەرتەشی ئەو وڵاتە کونتڕوڵی شاروچکەی ئاریخووا - واسیلیفکا و یاسینویە لە دونتسکیان گرتووەتە دەست . ئەرتەشی کییەف هەزاران سەربازی خۆی لە شەڕ لە گەڵ هێزەکانی ناسراو بە یوگی لە دەسداوە . هاوکات سەرۆک کوماری ئوکراین بانگەشەی کرد کە پەلاماری خۆفڕەکانی ڕووسیا بۆ سەر هێزگەی ناڤوکی چرنوبیل خەساری زوری لەو هێزگەیە د اوە . لە حاڵێکدا کە دوناڵد تڕەمپ وتویەتی بۆ ڕاگرتنی شەڕی ڕوسیا و ئوکراین هەوڵ ئەدات و ئەگەر هەیە ئوروپایییەکان لە وتووێژەکانی ئوکراین لە نێوان پوتین و تڕەمپ بەشدار نه بن . وەزیری بەرگری ئاڵمان وتی ئەگەر یەکێتی ئورپا لە وتووێژەکان سەبارەت بە ئوکراین بسڕدرێتەوە پیوەندی ئوروپا لە گەڵ ئەمریکا دەگوڕدرێت . بوریس جانسون سەرۆک وەزیرانی پێشووی ئینگلیز ڕەخنەی لە هاوپەیمانە ئوروپاییەکانی ئوکراین گرتووە بەو هۆیەوە کە لە پرسی ڕەوتی ئاشتی ئەو وڵاتە زۆر نیگەرانە و داوای لەوان کردووە لە هەمبەر گەڵاڵەکەی دوناڵد تڕەمپ بۆ وتوێژەکانی ئاشتی لە گەڵ ڕووسیا بوێر بێت و هەنگاو هەڵبگرێت .
