سەرۆک وەزیرانی ئینگلیز ڕوو لە ترەمپ: هەموو بژاردەکان لەسەر مێزن
سەرۆکوەزیرانی بەریتانیا لە وەڵامی باجە گومرکییەکانی سەرۆک کۆماری ئەمریکا ڕایگەیاند، ئێمە پێشوازی لە بڕیار و سیاسەتی ترەمپ سەبارەت بە زیادکردنی باجی گومرکی ناکەین و هەموو بژاردەکان بە ڕێکاری بەرپەرچدانەوەی بازرگانیشەوە، لەسەر مێزدان.
سەرۆکوەزیرانی ئینگلیز لە وەڵامی سیاسەتی ترەمپ لەبارەی بەرزکردنەوەی باجی سەر هاوردەکردن لە ئەوروپاوە، ڕایگەیاند کە پێشوازی لە بڕیارەکەی کۆشکی سپی ناکات و هەموو بژاردەکان بە ڕێوشوێنی بەرپەرچدانەوەی بازرگانیشەوە ،بۆ وەڵامدانەوەی ئەو کردەوەی ترەمپ لە سەر مێزدان.
کییەر ستارمەر جەختی کرد لەسەر ئەوەی کە حکومەتەکەی نایەوێت گرژییەکان زیاتر بکات، بەڵام ئەگەر ئەمریکا باجی گومرکیی نوێ داسەپێنێت، ئەوا ناچار دەبێت بەرگری لە بەرژەوەندییە ئابوورییەکانی وڵاتەکەی بکات.
سەرۆک وەزیرانی ئینگلیز ڕایگەیاند کە کەس هۆگری شەڕی بازرگانی نییە. بەڵام من دەبێت لە ئاراستەی بەرژەوەندیی وڵاتەمەدا بچمە پێشەوە و ئەوەش بە مانای ئەوەیە کە دەبێ هەموو بژاردەکان لەسەر مێز بمێننەوە.
ترەمپ شەڕێکی گومرگی تەواوی دژی هاوبەش و هاوپەیمانە نەریتییەکانی ئەمریکا وەڕێخستووە.
