ڕووسیا: پێویستە دەستبەجێ بگەڕێینەوە بۆ دانوستانی بێ هەڕەشە لەگەڵ ئێران
نوێنەری ڕووسیا لە ڕێکخراوە نێودەوڵەتییەکان دیپلۆماسی بە تاکە ڕێگە بۆ گەیشتن بە ڕێککەوتن لەگەڵ ئێران زانی و وتی: پێویستە دەستبەجێ بگەڕێینەوە بۆ دانوستانەکان بەبێ هەڕەشە لەگەڵ ئێران.
میخائیل ئولیانۆف، نوێنەری ڕووسیا لە ڕێکخراوە نێودەوڵەتییەکان لە ڤییەنا، ئەمڕۆ جەختی لەوە کردەوە: دیپلۆماسی تاکە ڕێگایە بۆ گەیشتن بە ڕێککەوتن لەگەڵ ئێران، نەک هەڕەشە و زۆر. ناوبراو وتیشی : دەزگەی هەواڵگری ئەمریکا جەختی لەوە کردووەتەوە کە هیچ نیشانەیەک نییە کە ئێران هەوڵی بەدەستهێنانی چەکی ئەتۆمی بدات. نوێنەری ڕووسیا وتیشی : دەبێ دەستبەجێ بگەڕێینەوە سەر ڕێگای دانوستان لەگەڵ ئێران بەبێ هەڕەشەی یان باج خوازی. دوێنێ وەزارەتی دەرەوەی ڕووسیا جەختی لە دژایەتی مۆسکۆ بۆ بەکارهێنانی هێزی سەربازی دژ بە ئێران کردەوە و هۆشداری دا کە پەلامار کردنە سەر ژێرخانی ئەتۆمی ئێران لێکەوتەی کارەساتبار بۆ هەموو جیهان دەبێت.
