ترەمپ: خەڵاتی نۆبڵتان پێم نەدا، منیش بیر لە ئاشتی ناکەمەوە
کانونی دوھەم 19, 2026 18:57 Asia/Tehran
سەرۆکی ئەمریکا وێڕای گلەیی کردن لە پێنەدانی خەڵاتی نۆبڵی ئاشتی بە خۆی، هەڕەشەی ئەوەی کرد کە ئاسایشی جیهان تەنیا کاتێک دەستەبەر دەبێت کە واشنگتون دەست بەسەر گرینلەنددا بگرێت.
دۆناڵد ترەمپ، سەرۆکی ئەمریکا بۆ یەکەمجار کێشەی گرینلەندی بە خەڵاتی نۆبڵی ئاشتیەوە گرێدا و لە نامەیەکدا بۆ سەرۆک وەزیرانی نەرویج ڕایگەیاند، لەبەر ئەوەی كە ئەو خەڵاتەی پێنەدراوە، ئێتر بە پێویستی نازانێ کە سیاسەتی بەپارێزبوون لە بواری سیاسەتی دەرەوەییدا بگرێتە بەر.
ترامپ لەم نامەیەدا هەروەها بانگەشەی ئەوەی کردووە کە کۆتایی بە هەشت شەڕ هێناوە بەڵام خەڵاتی نۆبڵی وەرنەگرتووە و ئەم بڕیارەش لێکەوتەی هەیە.
ترامپ لەم نامەیەدا هەروەها پرسیاری لە نەزمی هەنووکەیی کرد و خاوەندارێتی دانیمارکی لە گرینلەندی خستە ژێر پرسیارەوە.
