SAHAR

باڵوێزی ڕووسیا لە لەندەن وتی حكومەتی ئینگلیز بە بەشداری كردن لە ڕاگرتنی نەوتهەڵگرەكانی ڕووسیا دەستی داوەتە مڵهۆڕییەكی مەترسیدار.

ئاندرێ کلین  وتی، ڕێگریکردن لە کەشتی و  نەوتهەڵگرەكانی ڕووسیا لەلایەن حکومەتی ئەمریکا و بەریتانیاوە،  مڵهۆڕییەكی زۆر مەترسیدارە. ئەم پرۆسەیە دەستی پێکردووە و  دیارە بەردەوامیش دەبێت.ئەو دیپلۆماتکارە ڕوسیایە  وتیشی ، بەپێچەوانەی بانگەشەی بەرپرسانی بەریتانیا و ئەوروپی، هیچ بەڵگەنامەیەک نییە کە ڕێگە بە بەکارهێنانی  زۆربدات بەرامبەر بە کەشتییە نەوتهەڵگرە  بایكوت كراوەكان .پێشتر دیمیتری پۆلیانسکی نوێنەری هەمیشەیی ڕووسیا لە ڕێکخراوی ئاسایش و هاوکاری ئەوروپا ڕایگەیاندبوو کە مۆسکۆ ڕاگرتنی کەشتییە نەوتهەڵگرەکانی لە لایەن بەریتانیا و فەرەنساوە تەحموڵ  ناکات و وەڵامێكی  بەبڕشتانە بەو کارە دەداتەوە.