کامەران قاسم پوور لە کۆتا پێشبڕکێی کێشی ٩٢ کیلۆگرامی زۆرانبازی ئازادی پاڵەوانێتی جیهانیدا بە شکستپێهێنانی ڕکابەرە ئەمریکییەکەی ، میدالیای زێڕی بەدەستهێنا.

شەوی شەممە کاتژمێر ٢١:٠٠ بە کاتی تاران لە ستارک ئارێنا لە بەلگرادی پایتەختی سربیا، پۆلێنبەندی و یاری کۆتایی سێ کێشی ٥٧، ٧٤ و ٩٢ کیلۆگرامی پاڵەوانێتی جیهانی زۆرانبازی ئازاد بەڕێوەچوو.

بە ڕاپۆرتی ئاژانسی هەواڵی ئیران پرێس، "کامەران قاسم پوور" بە پێشکەشکردنی زۆرانبازییەکی حیسابکراو و شکستپێهێنانی ڕکابەرە سەرسەختە ئەمریکیەکەی، یەکەم میدالیای زێڕی هەڵبژاردەی ئێران لە سربیای بەدەستهێنا.

لە رکابەریی کۆتاییدا قاسم پوور جارێکی دیکە ڕووبەڕووی جەی دان کۆکس بووەوە  کە خاوەنی میدالیای زێڕی جیهان و خاوەنی میدالیای برۆنزی ئۆڵۆمپی ئەمریکایە وتوانی بە پێشکەشکردنی خەباتێکی ئازایانە  بە ئەنجامی  دوو بە سفرسەرکەوتن بەدەستبهێنێت و یەکەم مەدالیای زێڕی هەڵبژاردەی نیشتمانی لە پێشبڕکێی جیهاندا، و زێڕی دووەمی جیهانیی خۆیشی وەدەست بێنێ .