لێک نزیکبوونەوەی چوارچێوەی هاواهەنگی لەگەڵ پارتی دیموکرات لەبارەی دەربازبوون لە قەیرانی سیاسیی عێراق
یاریدەری سەرۆکی پەرلەمانی عێراق ڕایگەیاند، لەنیوان پارتی دیموکرات و چوارچێوەی هاواهەنگی لێک نزیکبوونەوە هەیە لەسەر کۆتایی هێنان بە چەقبەستوویی سیاسیی ئەو وڵاتە.
"شاخەوان عەبدوڵڵا" جێگری سەرۆکی پەرلەمانی عێراق و ئەندامی باڵای پارتی دیموکراتی کوردستان باسی لە رێککەوتنی نێوان ئەو پارتەو هێزەکانی چوارچێوەی هاواهەنگی کرد لەسەر دەربازبوون لە قەیرانی سیاسی لە عێراق و رایگەیاند؛ بە کشانەوەی ڕەوتی سەدر لە گۆڕەپان، چوارچێوەی هاواهەنگی بوو بە جێگرەوەی.
پارتی دیموکرات و ئیئتلافی سیادە پاش دڵنیابوون لە سیاسەتی چوارچێوەی هاواهەنگی و هەڵوێستەکەی لەهەمبەر ناکۆکییەکانی بەغداو هەولێر لە کۆڕی پەرلەمان ئامادەبوون. ناوبراو گوتی: ئێمە ڕوانگەی خۆمان لەبارەی ڕەوتی سیاسیی ئەو وڵاتە لەگەڵ چوارچێوەی هاواهەنگی باس کرد.
شاخەوان عەبدوڵڵا وەک یەک لە ئەندامانی باڵای پارتی وتی: پارتی دیموکرات مەرجەکانی دیاری کردووە کە بریتییە لە؛ "شەراکەت، تەوافوق، هاوسەنگی لە گۆڕەپانی سیاسی و هەروەها چارەسەریی پرسی ئاسایش وگاز و بڕگە جێ بەجێ نەکراوەکانی دەستور".
بەبڕوای شرۆڤەکارانی کاروباری عێراق ، پاش ئەوەی پەرلەمانی عێراق نوێنەرە جێگرەوەکانی لەجێگای ئەندامانی لەکارکشاوەی رەوتی سەدر دانا، چوارچێوەی هاواهەنگیی شیعەکان ئێستا بووە بە تەنیا لایەنێک کە داڵغەی پێکهاتنی حکومەتی تازە عێراقی هەیە.
هاوکات کاروان ئەنوەر ئەندامی یەکێتی نیشتمانیی کوردستان وتی کە پارتەکەی هەروا سورە لەسەر بەربژاریی بەرهەم ساڵح بۆ بەدەستەوەگرتنی پۆستی سەرۆک کۆماریی عێراق و هیچ بەربژارێکی دیکە لەجێگای ناناسێنێ.
ئەو ئەندامەی یەکێتی بەئاماژە بەوەی کە کەشی سیاسیی ئێستای زاڵ بەسەر هەرێم واپێشان ئەدا کە دۆخێکی نزیک لە هێمنی هەیە لەنێوان پارت ولایەنە کوردستیانییەکان پێش ڕێککەوتنی نێوانیان بۆ پێکهێنانی حکومەتی تازە عێراق، و وتی: یەکێتی نیشتمانی سورە لەسەر بەربژاریی بەرهەم ساڵح بۆ بەدەستەوەگرتنی پۆستی سەرۆک کۆماریی عێراق.
هاوکات لەگەڵ کشانەوەی گرووپی سەدر لە ڕەوتی سیاسی، چەند سەرچاوەیەکی عێراقی ڕایانگەیاند کە ڕاوێژکاریی گرووپە جیاجیاکانی ئەو وڵاتە بۆ پێکهێنانی حکومەتی تازە پەرەی سەندووەو سەرۆک فراکسیۆنە سیاسییەکان هەوڵیانە لە ڕۆژانی داهاتوودا دانیشتنێک بەڕێوەببەن و تێیدا میکانیزمی پێکهێنانی کابینەی تازە تاووتوێی بکەن.
