چاوپێکەوتنی سەرۆکی ئەنجوومەنی نوێنەرانی ئەمریکا لەگەڵ شای سعودی لە ڕیاز
شای عەرەبستان و سەرۆکی ئەنجومەنی نوێنەرانی ئەمریکا ئەمڕۆ چوارشەممە لە ڕیاز چاویان بە یەک کەوت و سەبارەت بە گۆڕانکارییەکانی ناوچە وتووێژیان کرد .
بەپێی ڕاپۆرتی ئەلعالەم، ڕۆژنامەی شەرقولئەوسەت چاپی لەندەن ڕاپۆرتی دا : چاوپێکەوتنی مەلیک سەلمان و پۆل رایان ئەمڕۆ چوارشەممە لە کۆشکی میامەی ڕیاز ئەنجام بووە و دوولایەن سەبارەت بە گۆڕانکارییەکانی ناوچە و پێوەندیی دوو وڵات باس و ڕاوێژیان کرد.
سەفەری پۆل رایان سەرۆکی ئەنجومەنی نوێنەرانی ئەمریکا دوای سەفەری دوناڵد ترەمپی سەرۆکی ئەمریکا لە بیستەمی مانگی مەی ساڵی 2017 بۆڕیاز، نیشاندەری ورەی بەرزو جیددی واشینگتۆن بۆ بەدەستەوەگرتنی سامان و پارەی نەوتی عەرەبستان لەبەرامبەر فرۆشتنی چەکەمەنییە.
ترەمپ لەم سەفەرە بۆ فرۆشتنی چەک و چۆڵ بە عەرەبستان، گرێبەستی 460 میلیاردولاری لەگەڵ ڕژێمی عەرەبستان مۆر کرد.
