کوژرانی زیاتر لە سێ هەزار خەڵکی مەدەنی لە ساڵی ٢٠١٧
نووسینگەی نوێنەرانەتیی نەتەوە یەکگرتووەکان لە ئەفغانستان ڕایگەیاند: ساڵی ٢٠١٧ زیاتر لە سێ هەزار کەسی مەدەنی لە پەلامارە تیرۆریستیی و ئاسمانییەکان و هەروەها لە شەڕ و پێکدادانی چەکدارانە لەم وڵاتەدا کوژراون.
بە پێی ڕاپۆرتی هەواڵدەریی تەسنیم؛ لە ڕاپۆرتی نووسینگەی نوێنەرایەتیی نەتەوە یەکگرتووەکان لە ئەفغانستان ناسراو بە "یوناما" کە ڕۆژی پێنجشەممە بڵاو بوویەوە هاتووە: ئاڵۆزی و شەڕ و پێکدادانەکانی ساڵی ڕابردوو لە ئەفغانستان هەروەها بۆتە هۆی بریندار بوونی حەوت هەزار و ١٥ کەسی مەدەنی.
تەدامیچی یاماموتۆ" Tadamichi Yamamoto " نوێنەری تایبەتی نەتەوە یەکگرتووەکان لە کاروباری ئەفغانستان هاوکات لەگەڵ ئاراستە کردنی ئەم ڕاپۆرتە داوای لە هەموو لایەنەکانی شەڕ و پێکدادان کرد خۆیان ببوێرن لە وەبەر پەلاماردانی خەڵکی مەدەنی.
ئەوە لە کاتێکدایە کە فڕۆکە ئەمریکاییەکان ساڵی ٢٠١٧ زیاتر لە ٣٥٠٠ بۆمبیان لە ئەفغانستاندا خستۆتە خوارەوە کە بە هۆیەوە سەددان کەسی مەدەنی کوژراون و یان بریندار بوون.
