نەسروڵڵا : گشت ناوچە لە ناوەندی شەڕی نەوتی و گازیدا
شوبات 17, 2018 18:22 Asia/Tehran
سەیید حەسەن نەسروڵڵا سکرتێری گشتیی حیزبوڵڵای لوبنان، سەرلەئێوارەی دوێنێ هەینی لەڕێوڕەسمی بەرز ڕاگرتنی یادی سەرۆکان وڕێبەرانی شەهیدی حیزبوڵڵا لە بەیرووت وتاری دا.
سکرتێری گشتیی حیزبوڵڵای لوبنان لەوتاردانەکەیدا پاش پێشەکییەک لەبارەی شەهیدانی موقاوەمە، بە تەوەری ناکۆکییە سنوورییەکانی لوبنان لەگەڵ رژیمی زایۆنیستی و کێشمەکێش لەسەر سەرچاوە نەوتی وگازییەکان لەئاوە ناوچەییەکان، دەس پێ کرد.
سەیید حەسەن نەسروڵڵا بەئاماژە بەوەی کە"واپێ دەچێ گشت ناوچە لەناوەندی شەڕی نەوتی وگازی دایە"، وتی کە دوژمنی ئیسرائیلی لەدەرفەتێکی وەک ئامادەبوونی دۆناڵد ترەمپ لەسەر دەسەڵات لە ئەمریکا دەگەڕا هەتا جەولان پەیوەستی خاکی فەلەستینی داگیرکراو بکات. جەولان ئیدی تەنیا پرسی ئاسایشی نیشتمانی نییە بەڵکوو سەرچاوەیەکی مەزنە بۆ ئاو، نەوت و گاز.
