یەکەی ئەندازیاریی سوپای ئیسراییل تەقیەوە
بە هۆی تەقینەوە لە یەکەی ئەندازیاریی سوپای ڕژێمی زایۆنی لە سنووری "خان یونس" ژمارێک لە سەربازانی سوپای ئەم ڕژێمە بریندار بوون.
"خالد ئیسکیف" هەواڵنێری کەناڵی ئەلمەیادین لە لاپەرەی شەخسیی خۆیدا لە تویتەر باسی تەقینەوەیەک لە یەکەی ئەندازیاریی سوپای ڕژێمی زایۆنی لە سنووری خان یونس و بریندار بوونی ژمارێک لە سەربازانی ئەم ڕژێمەی کردووە.
هەواڵنێری ئەلمەیادین باسی نیشتنەوەی کۆپتەرێکی سوپای ڕژێمی زایۆنی لە بنکەی سەربازیی "کەسووفیم"ی کرد بۆ گواستنەوەی بریندارانی تەقینەوەکەی سنووری خان یونس.
ژمارێک سەرچاوەی دیکەیش باسی تەقینەوەی بۆمب لە نزیکی هێزە سەربازییەکانی زایۆنی لەو ناوچەیە (هاوسنووری لەگەڵ کەرتی غەززە)ـیان کردووە.
هەروەها کەناڵی تەلەڤزیۆنیی ئەلمەسیرە راپۆرتی دا دوابەدوای تەقینەوە لە سنوورەکانی کەرتی غەززە کە بۆتە هۆی بریندار ڤبوونی سێ سەربازی زایۆنی، ڕژێمی داگیرکەری ئیسراییل بنکەیەکی چاوەدێریی گوردانەکانی قودسی دایە بەر پەلامار.
هێشتا هیچ هەواڵ و یان راپۆرتێک سەبارەت بە زەبرو زیانی شیمانەیی ئەو پەلامارە بڵاو نەبۆتەوە.
