فڕۆکە جەنگییەکانی ڕژێمی زایۆنیستی غەززەیان بوردومان کرد
فڕۆکە جەنگییەکانی ڕزێمی زایۆنیستی شەوی یەکشەممە چەندین جار کەرتی غەززەیان داوەتە بەر پەلاماری مووشەکی .
سەرچاوەکانی فەلەستینی ڕایانگەیاند: فڕوکە جەنگییەکانی ڕژێمی زایۆنیستی بنکەی توونس سەر بە گوردانەکانی شەهید عیزەدین قەسام باڵی سەربازیی بزووتنەوەی خۆڕاگری ئیسلامیی فەلەستین حەماس لە ڕۆژهەڵاتی غەززەیان بوردومان کردووە.
فڕۆکە جەنگییەکانی ڕژێمی زایۆنیستی هاوکات لەگەڵ ئەم پەلامارە ، ناوچەی شەجاعییە ی غەززەیانیش بوردومان کرد.
تائێستا لە خەسار و پەلاماری ئەگەریی ئەم پەلامارە ڕاپۆرتێک وەرنەگیراوە.
تۆپخانەی ڕژێمی زایۆنیستیش ڕۆژی شەممە ڕۆژهەڵانی خان یوونس لەباشووری کەرتی غەززەیان بوردومان کرد .
ڕژێمی زایۆنیستی لە دیسەمبەری ڕابردووەوە خولی نوێی پەلاماری ئاسمانی بۆسەر غەززەی خستوەتە بەرنامەی کاری خۆیەوە.
لە پەلامارەکانی ڕزێمی زایۆنیستی بۆسەر کەرتی غەززە تائێستا هەزاران فەلەستینی شەهید و بریندار بوونە.
کەرتی غەززە لەساڵی 2006ەوە لە ژێر گەمارۆی زەوینی، ئاسمانی و دەریایی ئیسرائیل دایە و دانیشتوانی ئەم ناوچەیە بەرەوڕووی گرفتی زۆرن.
