وتووێژی تەلفوونیی پوتین و ئەردوغان/ سووریا تەوەرەی وتووێژەکان
"ڤیلادمیر پوتین" سەرۆک کۆماری ڕووسیا "رەجەب تەیب ئەردوغان"ی سەرۆک کۆماری تورکیا شەوی سێشەممە لە پێوەندییەکی تەلەفوونیدا سەبارەت بە پرسە گرینگەکانی ناوچە و جیهان بەتایبەت بەردەوام کردنی ڕێکارەکانی چارەسەریی قەیرانی سووریا بیر و ڕایان گۆڕییەوە.
بە پێی ڕاپۆرتی هەواڵدەریی ڕادیۆ و تەلەڤزیۆنیی ئێران؛ کرێملین لە بەیاننامەیەکدا ڕایگەیاند؛ "ئەردوغان" و "پوتین" و لەم وتووێژە تەلەفوونییەدا سەبارەت بە باروودۆخی باکوور و ڕۆژاوای سووریا و ئۆپەراسیۆنی سەربازیی تورکیا لە "عەفرین"ی سووریا بیر و ڕایان گۆڕییەوە.
پوتین و ئەردوغان هەروەها مەسەلەی دانانی بنکەی راگرتن و پشکنینی دیکە لە ئەدلیب لە باکووری ڕۆژاوای ئاسیایان لێکدایەوە.
سەرۆک کۆماری ڕووسیا و تورکیا هەروەها پێداگرییان کرد لە سەر ئامادەیی خۆیان بۆ هەواهەنگی زیاتری هەوڵەکانی تاران، ئانکارا و مۆسکۆ بە مەبەستی دەستەبەر کردنی جێبەجی کرانی ئاگربڕ لە ناوچەکانی بەدوور لە توند و تیژی و بەرەوپێش بردنی پرۆسەی سیاسیی لە تۆکمە کردنی ئەنجامەکانی کۆبوونەوەی دانوستانی نیشتمانیی سووریا لە سووچی.
کۆبوونەوەی وتووێژی نیشتمانیی سووریا ڕۆژانی ٢٩ و ٣٠ی ژانڤییە لە شاری سووچیی سووریا بەڕێوە چوو.
ڕێککەوتن سەبارەت بە بەڕێوە چوونی کۆبوونەوەی وتووێژی نیشتمانی سووریا لە کۆبوونەوەی نۆڤەمبەری ٢٠١٧ی سەرانی کۆماری ئیسلامیی ئێران، ڕوسیا و تورکیا (وڵاتانی دەستەبەرکاری دانوستانی ئاستانە) لە ڕووسیا بە دەست هات.
دانوستانی ئاستانە لە ژانڤییەی ٢٠١٧ـەوە بە دەسپێشخەریی کۆماری ئیسلامیی ئێران و هاوکاریی ڕووسیا و تورکیا بە مەبەستی دامەزراندنی ئاشتی لە سووریا دەست پێ بووە.
قەیران لە سووریا لە ساڵی ٢٠١١ـەوە بە پەلاماری بەربڵاوی گرووپە تیرۆریستییەکانی داکۆکی کراو لە لایەن عەرەبستان، ئەمریکا و هاوپەیمانەکانیان لە پێناو گۆڕینی هاوکێشەکانی ناوچە بە سوودی ڕژێمی زایۆنی دەست پێبوو.
