گیان لەدەس دانی شەش کورپە لە غەزە بە هۆی قەیرانی دەرمانی وگەمارۆ
ناوەندی جیهانیی پشتیوانی لە مافی مرۆڤی غەزە لە گیان لەدەس دانی شەش کورپە لە نەخۆشخانەکانی کەرتی غەزە بە هۆی کەمبوونی دەرمانی پێویست هەواڵی دا.
بە پێی ڕاپۆرتی ڕۆژی دوشەممە ی ناوەندی زانیاری گەیاندنی فەلەستین ، ناوەندی جیهانیی پشتیوانی لە مافی مرۆڤ بە ئاماژەدان بە گیان لەدەس دانی شەش کورپە لەدەسپێکرانی قەیرانی دەرمانی لە نەخۆشخانەکانی کەرتی غەزە پیداگری کرد: ئەم کورپانە بە هۆی نەبوونی دەرزی " سیر فاکتنت " کە یارمەتی ئەدات بە سیستمی هەناسە کێشانی کورپەلەکان، گیانیان لەدەس دا.
هەرلەم حاڵەدا " ناسر بوڵبوڵ " سەرۆکی بەشی کورپەکانی نەخۆشخانەی شەفا لەکەرتی غەزە ڕایگەیاند : ئەم بەشە هەرمانگ پێویستی بە فرەتر لە سەد دەرزی ناوبراو هەیە بەڵام بە پێی گەمارۆی ئەم ناوچەیە ، تەنیا بیست دەنکە لەهەرمانگ ئامادە دەبێت.
" ناسر بوڵبوڵ" لە دەوڵەتی وێفاقی نیشتمانی فەلەستین داوای کرد بۆ ڕزگارکردنی گیانی دەیان کورپەی پێنەگەیشتوو تەگبیری پێویست بگرێتە بەر وهەروەها لە کۆمەڵگەی جیهانی داوای کرد هەتا ڕژێمی زایونی بۆ هەڵوەشانی بایکوتی کەرتی غەزە بخەنە ژێر زەخت وفشار.
لەگەڵ گەمارۆی کەرتی غەزە لەلایەن ڕژێمی زایونی لەساڵی دووهەزاروشەش دۆخی مرۆڤایەتی وئابووری ئەم ناوچەیە لە دۆخێکی زۆر جیی نیگەرانی دایە.
پێشتر " ئەشرەف ئەلقەدرە" وتەبێژی وەزاڕەتی تەندورەستی فەلەستین لە کەرتی غەزە وتبووی : پچڕانی کارەبای نەخۆشخانەکانی غەزە دەبێتە هۆی ڕودانی کارەساتی مەترسیداری مرۆڤایەتی وتەندوروستی . لێژنەی ئیدارەی قەیرانی وەزاڕەتی تەندوروستی لە کەرتی غەزە یش لە وڵاتانی تر داوای کرد بێنە هانای خەڵکی غەزەوەو کۆتایی بدەن بەم دۆخە نالەبارە.
