کرانەوەی کاتیی بازگەی سنووریی رەفەح
باڵوێزخانەی فەلەستین لە قاهیرە شەوی چوارشەممە ڕایگەیاند: میسر لە ڕۆژی چوارشەممە و بۆ ماوەی چوار ڕۆژ بازگەی سنووری رەفەح دەکاتەوە .
بەپێی ڕاپۆرتی هەواڵدەریی ڕادیۆتەلەفزیۆن، باڵوێزخانەی فەلەستین لە قاهیرە لە بەیاننامەیەک دا وتیشی: ئەم بازگەیە لەهەر دوولا لە ڕووی شارومەندانی فەلەستینییەوە دەکرێتەوە.
کرانەوەی بازگەی سنووری رەفەح لە حاڵێکدایە کە تاقمەکانی فەلەستینی ڕۆژی سێ شەممە لە پرێس کۆنفرانسێک دا بە ئاماژەدان بە ڕەوشی قەیرانیی غەززە، داوای کرانەوەی سنووری رەفەح و گەیشتنی یارمەتییەکان بۆ ئەم شارەی کردووە لە میسرەوە.
کەرتی غەززە حەوت بازگەی هەیە کە پێوەندی لەگەڵ غەززە تەنیا لەم بازگەیانە مومکینە. شەش بازگە بە تەواوی لە ژێر چاوەدێری ڕزێمی زایۆنیستی و بازگەیەکیش لە سنووری میسرە کە میسریش دوای هەماهەنگی ئاسایشی لەگەڵ ڕزێمی زایۆنیستی بەڕووی خەڵکی غەززە دەیکاتەوە.
بەهۆی درێژەی گەمارۆی ڕژێمی زایۆنیستی لە ساڵی 2006 و سزاکانی پێکهاتەی خۆبەڕێوەبەری فەلەستین بە دژی غەززە، ڕەوشی مرۆیی و ئابووریی ئەم ناوچەیە بەشێوەیەکی بێ وێنە ئاڵۆز بووە و دەوڵەتی ویفاقی نەتەوەیی فەلەستین دوای ئاشتی نەتەوەیی لە دوازدەی ئوکتوبەری ساڵی 2017، کەمتەرخەمییەکانی بۆ جێبەجێ کردنی بەرپرسایەتییەکانی لە غەززە درێژە پێ دەدات.
