وتەبێژی هێزە چەکدارەکانی یەمەن رایگەیاند کە دیسان درۆنێکی ئەمریکایی دیکە لە لایەن سیستەمی بەرگریی ئاسمانیی سوپای یەمەنەوە خراوەتە خوار.

یەحیا سەریع وتوویەتی کە ئەم درۆنە مۆدیلی "ئم کیو ناین" بووە و خەریکی سیخوڕی کردن لە ئاسمانی وەلایەتی بەیزای یەمەن بووە کە خراوەتە خوارەوە. وتەبێژی هێزە چەکدارەکانی یەمەن ڕاشیگەیاندووە کە ئەوە سێزدەهەمین درۆنی ئەمریکاییە لە دەسپێکی ئۆپەراسیۆنەکانی یەمەن دژ بە ئامانجگەلی ئەمریکایی و ڕژێمی زایۆنی لە ماوەی ١٥ مانگی ڕابردوودا خراوەتە خوارەوە. بە پێی ڕاپۆرتەکان؛ بایەخی هەر درۆنی ئەمریکایی  "ئم کیو ناین" نزیکەی ٣٠ ملیوێن دۆلارە.