شاروومەندانی یەمەنی بۆ ناڕەزایەتی دەربڕین بەرامبەر بە دەستدرێژیی ئەمریکا بۆ سەر وڵاتەکەیان و شەرمەزارکردنی تاوانەکانی ئەم وڵاتە دژ بە خەڵکی مەدەنی و کەسانی بێ تاوان، لە چەندین پارێزگادا خۆپیشاندانیان بەڕێوە برد.

خۆپیشاندەران ئەم پەلامارانەیان بە تەشەنەپێدانی قەیران لەلایەن ئەمریکاوە و بە پێشێلکردنی ئاشکرای سەروەری نیشتمانیی یەمەن وەسف کرد و جەختیان کردەوە کە ئەو کردەوانە وەڵامی کوشندەی دەبێت. خۆپیشاندەران جەختیان کرد کە تەشەنەی کێشە و قەیرانەکان و پەلاماری ئەمریکا بۆ سەر یەمەن، ئەم وڵاتە لە داکۆکی کردن لە غەززە و هەروەها فیداکاری لەم ڕێبازە پاشگەز ناکاتەوە. ئەوان هەرووەها ڕایانگەیاند کە تا دوا دڵۆپی خوێنیان و بە دڵ و بە گیان ئامادەی بەرخۆدان و خەباتن.