سەرھەڵدانەوەی داعش لە عێراق ، ئامانج و پلانەکانی پشت پەردە
لە کاتێک دا کە سەرنجی ھەموو میدیاکان لەسەر گۆڕانکاریەکانی ئەفغانستان چڕ بووەتەوە ، چالاکیەکانی تاقمی تیرۆریستیی داعش لە عێراق رۆژان و حەوتەکانی رابردوودا بە شێوەیەکی بەرچاو زیادی کردووە.
زانیاریەکان دەڵێن داعش خەریکی خۆشازدانەوەیە و دەستانێک بە نھێنی یان ئاشکرا خەریکی ژیاندنەوەی ئەم گروپە تیرۆریستیە لە عێراقدان .
لە بارودۆخی ئێستادا کە لە عێراق مانگێکی دیکە ھەڵبژاردنی پەرلەمانیی بەڕێوەدەچێت ، گەڕانەوەی داعش بۆسەر گۆڕەپانی عێراق ھەندێ پرسیار دەخاتەڕوو .
لە بارودۆخی ئێستادا ئاڵۆزکردنی عێراق پرسێکی گرنگە کە دەبینرێ و ھەندێ لایەن بە نیازی تێکدانی رەوشی ئێستان تا لە بەرژەوەندیی خۆیان بکەوێتەوە .
زیادبوونی پەلامارەکانی داعش چەند ئامانجی لە پشتە :
یەکەم ئەوەی کە ئامانجی یەکەمی ئەم پەلامارانە ، ئاڵۆزکردن و نائەمنکردنی عێراق و نشاندانی سیمایەکی لاواز لە حەشدی شەعبیە .
دوھەم ،درێژەی پەلاماری تیرۆریستان دەبێتە ھوی نائەمن بوونی عێراق و لە ئەنجام دا پاساودانی مانەوەی ھێزە ئەمریکیەکان لە عێراق .
سێھەم ، ئەم پەلامارانە لەپێناو کەمکردنەوە لە زەخت و گوشارەکانی سەر حکومەتی مستەفا کازمی سەرۆک وەزیرانی عێراقە چونکە تاقم و لایەنە سیاسیەکان و خەڵکی عێراق دەیانھەوێ واژۆکراوی کشانەوەی ھێزە بیانیەکان لە عێراق جێبەجێ بکرێت .
کەواتە پلانێک لە پشت پەردەی وەخۆکەوتنەوەی داعش لە عێراق لە ئارادایە کە جێبەجێکرانی ، لە بەرژەوەندیی ئەمریکا و ھەندێ رژێمی ناوچەکەیە .
