وشداریی لە بارەی سەرھەڵدانەوەی ھەڕەشەی داعش لە ھەرێمی کوردستان
ھەرێمی کوردستانی عێراق لە رۆژانی رابردوودا دوو پەلاماری تیرۆریستانی داعشی بەخۆوە بینی . پەلامارەکان لە ھەردوو ناوچەی گەرمیان و مەخموور روویدا و تیایدا چەندین پێشمەرگە و خەڵکی ئاسایی شەھید کران .
ئەم پەلامارانە بوونە ھۆی نیگەرانیی کاربەدەستانی ھەرێمی کوردستان . پەلامارەکان لە کاتێکدان کە لە ماوەی رابردوودا چەندین شاری ھەرێمی کوردستان شایەتی بەڕێوەچوونی خۆپێشاندانی ناڕازیانەی خوێندکاران بوون . بە واتایەکی دیکە ئاسایشی کۆمەڵایەتی لە ھەرێمی کوردستان لە رۆژانی رابردوودا کێشەی تێکەوتووە .
جیا لەوە ئەم پەلامارانەی داعەش لە بارودۆخێکدایە کە کەمتر لە مانگێکی ماوە تا کشانەوەی ھێزە سەربازیەکانی ئەمریکا لە عێراق . ژمارێک لە کاربەدەستانی ھەرێمی کوردستانیش لە گەڵ کشانەوەی ھێزە ئەمریکیەکان لە عێراق نین .
لە لایەکی دیکەوە ھەرکات لە عێراق پرسی کشانەوەی ھێزە ئەمریکیەکان بە جددی لە ئارادابووە ، پەلامار و شاڵاوی تیرۆریستانی داعشیش زیادی کردووە . کەواتە ، پێدەچێ ئەم پەلامارانەی رۆژانی رابردووی پاشماوەکانی داعش بۆسەر چەند ناوچەی ھەرێمی کوردستان پلان بۆکراو و بە ئاگاداریی ئەمریکیەکان بووبێت تا بە بیانووی ئەم پەلامارانە و ھەروەھا مەترسیی سەرھەڵدانەوەی داعش ، رێگا خۆش بێت بۆ مانەوەی لەشکەریانی ئەمریکی لە عێراق .
ئەوە لە کاتێکدایە کە ساڵی 2014 کە تیرۆریستانی داعش بەرەو ھەرێمی کوردستان چوون ، ئەمریکیەکان ئامادە نەبوون یارمەتی ھەرێم بدەن و تەنیا کۆماری ئیسلامیی ئێران بە فەرماندەیی سەرداری شەھید حاجی قاسم سولەیمانیی بە ھانای ھەرێمی کوردستانەوە چوو .
