یەکێک لە پەرلەمانتارانی سەر بە پارتی دیموکرات لە ئەنجوومەنی نوێنەرانی عێراق باسی نیازی سەرۆک وەزیرانی راسپێردراوی پێکھێنانی کابینە دەکا بۆ سەردانی لە ھەرێمی کوردستان .

بە پێ راپۆرتی کوردپرێس ، دیار برواری دوانیوەڕۆی چوارشەممە لە دیمانەیەکدا لە گەڵ ھەاڵدەریی فەرمیی عێراق رایگەیاند ، عەدنان زورفی سەرۆک وەزیرانی راسپێردراوی پێکھێنانی کابینەی نوێی عێراق بە نیازە سەردانی ھەرێمی کوردستان بکات و بۆ تاووتوێ کردنی داوای کورد ، چاوی بکەوێ بە بەرپرسان . 

ئەم پەرلەمانتارە کوردە ھیوای خواست سەردانەکەی زورفی ئەنجامی باشی لێ بکەوێتەوە و گوتی : سەرۆک وەزیران دەبێ بۆ گەیشتن بە  پشتگریی کورد ، لەسەر یەک لاکردنەوەی کێشە و گرفتەکانی نێوان ھەولێر و بەغدا چڕبێتەوە . 

 بەرواری وێڕای پێداگری لەسەر ئەوەی کە ناتوانێ ناردنی پێرستی داواکاریەکانی ھەرێمی کوردستان بۆ زورفی پشتڕاست بکاتەوە گوتیشی : سەرۆکی ھەرێم بۆ یەکخستنی گوتار و داواکاریی کوردو پێکھێنانی لیژنەیەکی کوردستانی کە بەرپرسایەتی وتووێژ و  لێکدانەوەی داواکاریەکان لە گەڵ سەرۆک وەزیرانی راسپێردراو بگرێتە ئەستۆ ، لە پێوەندیی بەردەوام دایە لە گەڵ فرکسێۆنە کوردستانیەکان .