بەرپرسی فەرمانگەی تەندروستیی سلێمانی رایگەیاند کە داوا لە حکومەتی هەرێمی کوردستان کراوە قەدەغەی هاتوچۆ لە نێو شارەکان و کەرەنتینە بۆ بەرەنگاربوونەوەی کۆرۆنا بۆ ماوەی 15 رۆژی دیکە درێژ بکاتەوە .

سەباح هەورامی لە وتووێژ لە گەڵ رادیۆ دەنگی ئەمریکادا رایگەیاند لە حکومەتی هەرێمی ویستووە قەدەغەی هاتوچۆ لە نێو شارەکان و لە نێو پارێزگاکانی هەرێم و کەرەنتینەیەک کە بۆ رێگری کردن لە بڵاوبوونەوەی کۆرۆنا لەبەر چاو گێراوە بە شێوەی ئێستا بۆ ماوەی 15 رۆژی دیکە درێژ بکاتەوە .

 لە لایەکی دیکەوە ماڵپەڕی خەندان راپۆری دا هێزە تایبەتیەکان لە هەرێمی کوردستان خەریکی پاکتاوکردن و ئامادە کردنی بانکەکانن بۆ پێدانی مووچەی فەرمانبەران و موچەوەرگرانی هەرێم کە تەشەناکردنی کۆرۆنا و کەرەنتینە کران ، پێدانی مووچەی دواخستووە .

 ئەوە لە کاتێکدایە کە ئەمڕۆپێنجشەممە وەزاڕەتی تەندروستیی هەرێمی کوردستان رایگەیاند سێ حاڵەتی نوێی توشبوون بە ڤایروسی کۆرۆنا لە هەولێر دەرکەوتووە و ژماری توشبوانی هەرێم بۆ 103 کەس هەڵکشاوە .