میدیای عێراقی : دو بنکەی مۆساد لە ھەولێر کەوتنە بەر موشەک
ئادار 13, 2022 03:05 Asia/Tehran
میدیا عێراقیەکان رایانگەیاند 2 بنکەی رێکخراوی ھەواڵگریی و ھەڵمەتی تایبەت( مۆساد) ی رژێمی زایۆنی لە ھەولێر کەوتوونە بەر موشەک .
بە پێی راپۆرتی ئیرنا ، میدیا عێراقیەکان بە گێڕانەوە لە سەرچاوە ئاسایشیەکان وتیشیان ، ئەم بنکانە ناوەندی پێشکەوتووی راھێنان بوون و کەوتوونە بەر موشەکی بالستیک .
میدیاکان ئاماژەیان بە وردەکاریی زیاتری ئەم پەلامارە و ئاستی خەسار و زیانەکان نەکردووە . سابرین نیوز سەر بە ھێزەکانی خۆڕاگریی عێراق پێشتر رایانگەیاند شەوی ھەینی لەسەر شەممە دەیان تەقینەوە شاری ھەولێری ھەژاندووە . دەووترێ 14 رۆکێت لە بنکەی ئەمریکی ھەڵکەوتوو لە نزیک فڕۆکەخانەی ھەولێر دراوە .
