لە شارستانی سەرسنووریی بەندەری ئاستارا لە باکووری ڕۆژئاوای پارێزگای گێڵان لە ساڵێکدا ٨٠٠ تۆن ھەنگوین کە لە ئاستی وڵاتیش دا بە ناوبانگە، لە نزیکەی ٣٥ ھەزار کەنوو بە شێوەیەکی ناوازە بەرھەم دێت. بەرزاییەکانی گەردەنەی شاخاویی حیران، گوندەکانی «خانەھای ئاسیاب»، «سیج»، «ئاق مەسجید»و بەشی «لوندویل» لەو ناوچە سەرەکیانەی بەخێوکردنی ھەنگن لە لایەن ھەنگدارانی ئەم شارستانە سەرسنوورییەی کە لە قەراخی دەریای خەزەردا ھەڵکەوتووە.