SAHAR

پاییز، کە بەهاری ئەوینداری بوو، قژە زەرد و نارنجی و سوورەکەی لەبن کڵاوەکەیدا شاردەوە. لێواری کڵاوکەکای هەتا سەر نێو چاوانی هێناو بە ئەسپایی چاوێکی بە دەورووبەریدا خشاند، چنارەکان، حەوزەکان، شەمعدانییەکان، دەڵاقەکان، هەموویان رەنگی ئەویان بە خۆیەوە گرتبوو، ئەرخەیان بوو، یەخەی پاڵتۆ گەرمەکەی هەڵکێشا، لە شەقامەکان بۆنی نمەی باران دەهات، پاییز هێدیی هێدیی دوورکەوتەوە بۆئەوەی زستان بێتە شوێنیەوە