گوڵی باخی هه‌ڵه‌بجه هه‌ڵوه‌ریوه!
ئادار 17, 2024 11:10 UTC
بـه‌هاران كێ گه‌ڵاڕێـزانی دیوه؟! گوڵی باخی هه‌ڵه‌بجه هه‌ڵوه‌ریوه!
36ساڵ لەمەوپێش و لە ١٦ئازاری ١٩٨٨ دا ڕژێمی فاشست و جینۆسایدکاری عێراق بڕیاری لەناوبردنی ھەموو شتێکی دا لە ھەڵەبجەو دەوروبەریدا، بە ڕۆژی ڕوون و بەبەرچاوی ھەمو جیھان ئەم بڕیارەی جێبەجێ کردو لە ماوەیەکی زۆر کەمدا بە سود وەرگرتن لە بەکارھێنانی گازە ژەھــراویە کیمیاییە قەدەغەکراوەکان، ٥٠٠٠ مرۆڤی سڤیل و بێتاوانی لەناو برد کە زۆربەیان منداڵ و ژن بوون ، تەنانەت دەیان منداڵ کە ھێشتا لە سکی دایکیاندا بوون شەھید کران پێش ئەوەی چاو بە دونیا ھەڵبێنن !
