براوەکانی کێبەرکێی قورئانیی «ساباتی نوور»
سەرەنجام دوای پتر لە مانگێک، چاوەڕوانی کۆتایی پێ هات و دەرەنجامی کێبرکێی قورئانی ساباتی نوور کە بە درێژایی مانگی نوور و ڕەحمەت، مانگی ڕەمەزانی پیرۆز بەردەوام بوو، لە لایەن کارناس و داوەرانی کێبرکێی ساڵانەی کەناڵی ئاسمانی سەحەر ڕوون بووەوە.
بسم اللە الرحمن الرحیم
سەرەنجام دوای پتر لە مانگێک چاوەڕوانی کۆتایی پێ هات و دەرەنجامی کێبرکێی قورئانی ساباتی نوور کە بە درێژایی مانگی نوور و ڕەحمەت، مانگی ڕەمەزانی پیرۆز بەردەوام بوو، لە لایەن کارناس و داوەرانی کێبرکێی ساڵانەی کەناڵی ئاسمانی سەحەر ڕوون بووەوە. بە پێی ڕا و بۆچوونی داوەرانی ئەم کێبرکێیە و لە پاش یەکدانەوەیەکی چڕوپڕ و دادگەرانە دەرەنجامی کێبرکێی قورئانی ساباتی نوور بەم چەشنە دیاری کرا :
کەسی یەکەمی ئەم کێبرکێیە بە کۆی خاڵەکانی لە بواری سەوت و لەحن و تەجوید و وەقف و ئیتدا بۆ بە نسیوی قورئانخوێنی بەشداربووی پارێزگای سلێمانی بەڕێز سەرخێڵ محەممەد تۆفیق بە (86.75) خاڵەوە. بەم چەشنە سەرخێڵ محەممەد تۆفیق خەڵاتی یەکەمی ئەم کێبرکێیە کە 3000 یۆرۆیە بە خۆی تەرخاندا. هەر بە پێی بۆچوونی داوەران بەڕێز سۆفیان عەبدولقادر لە شاری دهۆکەوە بە (85.25) خاڵەوە پلەی دووهەمی کێبرکێیەکە بە خۆی تەرخاندا و خەڵاتە 2000 یۆرۆییەکەی ئەم کێبرکێی بردەوە.
داوەرانی کێبەرکێی قورئانی ساباتی نوور لە ئەنجامی لێکدانەوە و هاوبیروڕایی و ڕاوێژی چڕ و پڕیان بەو ئەنجامە گەیشتن کە سێهەمین خەڵاتی کێبرکێیەکە بە بڕی 1000 یۆرۆ لەبەر دەستخستنی (84) خاڵ با بەڕێز محەممەد سەلاح عەبدوڵڵا لە شاری سلێمانییەوە ببەخشن.
ئینجا کۆتا خەڵاتی کێبرکێی قورئانی ساباتی نووری ئەمساڵی کەناڵی ئاسمانیی سەحەریش بە پێی دەنگ و هەڵسەنگاندنی داوەرانی ئەم کێبرکێیە بە بڕی 800 یۆرۆ تەرخاندرا بە بەڕێز جەلال یووسف حسێن لە شاری هەولێرەوە بە (82.25) خاڵەوە.
بەم دەرەنجامە هەوڵ و کێبرکێی پتر لە یەک مانگەی بەشداربووانی کێبرکێی قورئانی ساباتی نووری کەناڵی ئاسمانیی سەحەر ئەمساڵ کۆتایی پێ هات و ستافی بەڕێوبەری کەناڵەکەمان پیرۆزبایی لە براوەکانی ئەم خولەی کێبرکێکە دەکات و بۆ هەموو بەشداربووانی دیکەش ئاواتی سەرکەوتن لە تەواوی قۆناغەکانی ژیانیان دەخوازێ.
کێبرکێی قورئانی ساباتی نوور
