سەرۆکی بانکی ناوەندیی ئێران : بایکۆتکردنی دوبارەی بانکی ناوەندیی ئێران نیشانەی دەست بە تاڵیی ئەمریکایە
سەرۆکی بانکی ناوەندیی کۆماری ئیسلامیی ئێران شەوی هەینی لە کاردانەوە بە بایکۆتی سەرلەنوێی بانکی ناوەندی لە لایەن ئەمریکاوە جەختی کردەوە ، ئەم بایکۆتە دوپاتکراوە نیشان ئەدات دەستی ئەمریکیەکان بۆ دۆزینەوەی کارتی گوشار لە دژی ئێران تا چ رادەیەک بەتاڵە .
بە پێی راپۆرتی ئیرنا ، عەبدوناسر هیممەتی وتیشی ، ئەگەر ئەم جۆرە کارانە دەیتوانی لە بردنە پێشی داواکاریە ستەمکاریەکانی ئەمریکا کاریگەر بێ ، رەوشی ئابووریی ئێران زۆر جیاوازتر دەبوو لە گەڵ رەوشی ئێستا .
هیممەتی وتیشی ، ناکامیە یەک بە دوای یەکەکانی حکومەتی ئەمریکا لە زیاتر لە یەک ساڵی رابردوودا نیشان ئەدات ئەم بایکۆتانە بێ کاریگەرتر لە هەر کاتێکی دیکەن و ئابووری ئێران بەر گەگرتنی خۆی بە هەموان نیشان داوە .
دۆناڵد تڕەمپ سەرۆکی ئەمریکا رۆژی هەینی لە نێو پەیامێنراندا لە کۆشکی سپی رایگەیاند بایکۆتی لە دژی بانکی ناوەندیی و سندوقی گەشەی نیشتمانیی ئێران داناوە .
