May 17, 2020 20:25 Asia/Tehran
  •  رۆژی جیھانیی قودس ، ھێمای داکۆکی لە ئارمانجی ئازادکرانی فەلەستین

72 ساڵە رژێمی زایونی بە داگیرکردنی فەلەستین ، حکومەتێکی نایاسایی تێدا دامەزراندووە . لەو ماوەیەدا ، ئاوارە بوونی سەدان ھەزار کەس ، شەھید کردن ، بەندکران و ئەشکەنجەدانی فەلەستینیەکان بەردەوام درێژەی ھەبووە .

پشتگریی حکومەتە رۆژاواییەکان ، بە تایبەت ئەمریکا و بێدەنگە و بێکردەیی کۆڕ و نێوەندە نێودەوڵەتیەکان ، ئەم رژێمەی لە درێژەدان بە تاوانکاریەکانی پڕکێشتر کردوە . 

بە دوای گوازرانەوەی باڵیۆزخانەی ئەمریکا بۆ قودس ، ئەم حکومەتە لە درێژەی پشتگریەکانی  لە رژێمی زایۆنی و تاوانکاریەکانی ، لە 28 ی ژانیڤەری رابردوودا گەڵاڵەی بە ناو سەودای سەدەی خستە ڕو . 

باڵیۆزخانەی ئەمریکا له قودس

کۆماری ئیسلامیی ئێران ، لە ھەمان سەرەتای ھاتنە ئارای گەڵاڵەی سەودای سەدە ، لە دژی ڕاوەستا ، چونکە دیار بوو گەڵاڵەیەک کە بە ھاریکاریی ئەمریکا و رژێمی زایۆنی و بێ پرسی  فەلەستینیەکان ئامادە بکرێ ، تەنیا لە بەرژەوەندیی ئەم رژێمە داگیرکەرەدا دەبێ .  پەردەلادان لەم گەڵاڵەیە ، بە باشی دروست بوونی ئەم شرۆڤەیە دیاری دەکات . 

ئایەتوڵڵا خامنەیی گەڵاڵەی سەودای سەدەی بە گەمژانە و چەپەڵ و لەشکان ھاتوو زانی و فەرمووی ئەم گەڵاڵەیە ھەرگیز مسۆگەر نابێ . 

بەڕێزیان ئەم ھەڵوێستە نەگۆڕ و بنەماییە ئاوا شیدەکاتەوە  : لە کۆماری ئیسلامیی  دا ، دۆزی فەلەستین بۆمان پرسێکی تاکتیکی نیە ، ستراتژیەکی سیاسی ش نیە ، پرسی باوەڕە ، پرسی دڵە ، پرسی ئیمانە . 

سەرپەیڤ

بۆچوونت