کوژرانی ١٦ تیرۆریست لە ئیدلەبی سووریا
تشرینی یه‌که‌م 23, 2020 13:35 Asia/Tehran
سەرچاوە سوورییەکان باسی تیاچوونی ١٦ کەس لە چەکدارانی تاقمی تیرۆریستی «بەرەی نوسرە»یان کرد لە ئەنجامی ھەڵمەتێکی ئاسمانی لە پارێزگای ئیدلەبی باکووری ڕۆژئاوای سووریا.
بە پێی ڕاپۆرتی ڕۆژی ھەینیی کەناڵی مەیادین، سەرچاوە سوورییەکان ڕایانگەیاندووە زۆربەی ئەو تیرۆریستە کوژراوانە لە کەسانی ڕیزی یەکەمی تاقمۆکەی تیرۆریستی «تەحریرۆششام» یان ھەمان «بەرەی نوسرە» بوونە کە لە ئەنجامی ھەڵمەتی فڕۆکەیەکی نەناسراو لە ئدلەب دا کوژراون.
فڕۆکەشەڕکەرەکانی سوپای سووریا حەوتەی ڕابردوو مۆڵگەی تیرۆریستانی «بەرەی نوسرە» لە باشووری «ئیدلەب»یان بوردومان کرد.
پارێزگای ئیدلەب دوایین بنکەی تیرۆریستان لە سووریا دێتە ئەژمار.
