وەزیری دەرەوەی ئەمریکا بەدانپێدانان لە سەر پێبەند بوونی تەکنیکیی ئێران بە بەرنامەی تۆکمەی هەوڵی هاوبەش ئیدعای کردووە لەکاتی مسۆگەرکرانی ڕێککەوتنەکە ئێران چالاکییەکانی تێکدەرانەی خۆی لە ناوچەکەدا تووندتر کردۆتەوە .

بە گوێرەی ڕاپۆرتی هەواڵدەریی ڕادیۆ وتەلەفەزیۆنی ئێران، " ڕێکس تیلێرسۆن" وەزیری دەرەوەی ئەمریکا لە وتووێژ لەگەڵ کەنالی تەلەفەزیۆنی " سی بی ئیس نیوز" ی ئەو وڵاتە ئەم بانگەشەیەی دژی کۆماری ئیسلامی ئێران هێناوەتە ئاراوە .

بانگەشەی وەزیری دەرەوەی ئەمریکا دژی ئێران لەمەڕ هەوڵی تاران بۆ تێکدانی سەقامی ناوچەکە لە حالێکدایە کە ئەمریکا بە ئامادە بوونی سەربازییانەی بەربڵاوی  لە ناوچەکە لەوانە لە ئەفغانستان، عێراق و هەروەها پشتگری لە گرووپە ڕەشەکوژەکان و بەتایبەتی داعش ، هۆکاری سەرەکیی نائەمنی و ناپاوەجێیی لە ناوچەکە دایە .

ئەمریکا هەر وەها بە پشتگریی لە ڕژێمی زایۆنی و ڕژیمی ئالی سەعوود لە دڕندەکارییەکانیان  دژی خەڵکی فەلەستین و یەمەن دا شەریکە . کۆماری ئیسلامیی ئێران بەردەوام ئامادە بوونی سەربازیی ئەمریکا لە ناوچەکە وەک هۆکاری نائەمنی و ناپاوەجێیی دەزانێت و بڕوای وایە ، خەڵک و دەوڵەتەکانی ناوچەکە خۆیان دەتوانن، ئاسایش دامەزرێنن .  لە کاتی جێبەجێبوونی بەرنامەی تۆکمەی هەنگاوی هاوبەش لە ژەنیڤەری ٢٠١٦ەوە ، ئەمریکا بەردوام بە پێچەوانەی ئەو ڕێککەوتنە نێو دەوڵەتییە هەنگاوی هەڵگرتووە . بەلام ئێران بەردەوام پێبەندی بووە .