گەڵاڵەی هاوبەشی ئەمریکا و ڕژیمی زایۆنی بۆ بەرەنگاربوونەوەی ئێران
کەناڵی ١٠ تەلەڤێزیۆنی ڕژیمی زایۆنی ڕۆژی پێنجشەممە لە ڕاپۆرتێک دا ڕایگەیاند: ئەمریکاو ڕژیمی زایۆنی گەڵاڵەیەکی هاوبەشیان بۆ بەرەنگاربوونەوەی کۆماری ئیسلامیی ئێران دیاری کردووە .
بە گوێرەی ڕاپۆرتی هەواڵدەریی میهر ، چەند لیژنەیەک لە ئەمریکا و ڕژیمی زایۆنی ی١٢ دیسەمبەر لە کۆبوونەوەیەکی هاوبەش لە واشنگتۆن، گەڵاڵەیەکی ستراتژیکییان دژی ئێران دیاری کرد کە بە گوێرەیەوە چەند کار گرووپێک پێک دەھێندرێت لەمەڕ پێشگرتن بە پێشکەوتنی بەرنامە ناڤۆکی و مووشەکییەکان و بەرپەرچ دانەوەی دەست ڕۆییشتوویی ناوچەیی کۆماری ئیسلامیی ئێران .
بە گوێرەی ئەم ڕاپۆرتە دوو لایەن دوای چەند خولی وتووێژ پێکهاتنی چوار کار گرووپی دژی ئێرانیان شی کردووەتەوە .
کارگرووپی یەکەم ئەرکی چالاکییە نهێنی و دیپلۆماسییەکانی بە مەبەستی بەرەنگاربوونەوەی بەرنامەی ناڤۆکیی ئێران بە ئەستۆ دەبێت . ئەم کار گرووپە شێواز و ڕێگاکانی خێراکردنەوەی ڕەوتی ڕاپەڕاندنی کارو بارەکان و چاوەدێری لە چوار چێوەی ھەنگاوی ھاوبەش و ھەرلەم حالەدا هەنگاوگەلێکی بە دەر لە چوار چێوەی ڕیککەوتننی ناڤۆکی لێک دەداتەوە .
کار گرووپی دووهەم ئەرکی بەرتەسک کردنەوەی چالاکییەکانی ئێران لە ناوچەکەی بە ئەستۆ دەبێت. پێشگرتن بە پشتیوانیی ئێران لە گرووپەکانی خۆڕاگری لەوان حیزبوڵڵای لوبنان، حەماس و جیهادی ئیسلامی لە وینەی ئەرکەکانی ئەم کارگرووپەیە .
کار گرووپی سێهەم بەرنامەی مووشەکیی ئێرانی لە دەستووری کاری خۆی دا داناوەو کارگرووپی چوارەم سێناریۆکانی ئەگەری تێکهەڵچوون لە ناوچەگەلێک کە لەوانەیە ئێران تیای دا ئامادە بێت، لێک دەداتەوە . چڕبوونەوەی سەرەکیی ئەم کارگرووپە لە سەر سیناریۆکانی بەڕنگارووبوونەوەی حیزبوڵڵای لوبنان دەبێت .
کۆماری ئیسلامی ئێران و گرووپەکانی مۆقاومە ڕۆڵی سەرەکییان لە بەرەنگاربوونەوەی پیلان وکردەوەکانی تەوەرەی ئەمریکایی- زایۆنیستی لە ناوچەکەدا هەیە .
