رۆحانی : هاوکاریی تاران - باکۆ بەقازانجی هەردوو گەل و خەڵکانی ناوچە و جیهان دەبێت
سەرۆکی کۆماری ئیسلامیی ئێران وتی : مۆرکردنی ڕێککەوتن و بەڵگەی گرینگی هاوکاری لەنێوان ئێران و کۆماری ئازەربایجان بەپێی ڕێزی بەرامبەر و لەبەر بەرژەوەندی هاوبەش و هەستی دراوسێتی ئەنجام بووەو بە قازانجی هەردوو گەل و نەتەوەی ناوچە و تەنانەت جیهان دەبێت.
حەسەن روحانی ڕۆژی چوارشەممە دوای مۆرکرانی هەشت بەڵگەی هاوکاری نێوان ئێران و کۆماری ئازەربایجان لە باکو لە پرێس کۆنفرانسێک دا، بەڕاگەیاندنی ئەمەی ئێران و کۆماری ئازەربایجان لە دەریای خەزەر، بەرژەوەندی هابەشی فراوانیان هەیە، وتی : دەبێ بە هاوکاری هاوبەشی زانستی، ئابووری ، تەکنیکی، بازرگانی ، گەمیەوانی، وتوریستی لە تواناییەکانی دەریای خەزەر کەڵکیان وەرگرت.
سەرۆک کۆماری ئێران وتیشی : هاوکاری لە بواری ترانزیت و سەرمایەدانانی هاوبەش لە بواری چێکردنی ئوتوموبیل و چێکردنی ڕێگەی ئاسنی ئاستارا - ئاستارا نیشاندەری گەشەی هاوکارییەکانی دوو وڵاتە.
رۆحانی بە پێداگری لەسەر ئەمەی ورەی ئێران و کۆماری ئازەربایجان پەرەی هاوکاری سیاسی ، زانستی، تەکنیکی و ناوچەیی لەگەڵ یەکترە ، وتی : پرسەکانی ناوچە تەنیا لە ڕێگەی وتووێژی سیاسی چارەسەر دەبێت .
ناوبراو وتیشی : قەیرانی یەمەن و سوریا دەبێ لە ڕێگەی سیاسی چارەسەر بکرێت و هیچکات ڕێگەچارەی سیاسی نییە و ئێران و کۆماری ئازەربایجان لە زۆرێک لەم پرسانە، ڕوانگەی هاوبەشیان هەیە.
سەرۆکی کۆماری ئیسلامیی ئێران هەروەها وێڕای پێداگری لەسەری ئەمەی پرسی قەرەباغ دەبێ لەڕێگەی سیاسیەوە چارەسەر بکرێت، وتیشی: ورەی ئێران پێوەندی دۆستانەی دەوڵەتان و گەلانی ئێران و کۆماری ئازەربایجان لە پێناو بەرژەوەندی هاوبەش و بەرژەوەندی گەلانی ناوچە و جیهانە.
ئێلهام عەلی ئێف سەرۆکی ئازەربایجانیش لەم پرێس کۆنفرانسە دا بەڕاگەیاندنی ئەمەی ئێران و کۆماری ئازەربایجان هەموو کات لە گۆڕەپانی نێونەتەوەیی لە تەنیشت یەکتر دابوون و داکۆکیان لە یەکتر کردووە وتی : دوو وڵات لە چوارچێوەی یاساوڕێساکانی نێونەتەوەیی ، لایەنگری یەک و لە تەنیشت یەکتر دان .
سەرۆکی ئازەربایجان هەروەها بە ڕاگەیاندنی ئەمەی وڵاتەکەی مکۆڕە لەسەر پەرەی پێوەندی ئابووری و بازرگانی و سەرمایەدانی هاوبەش لەگەڵ ئێران، وتیشی : هاوکاری چەندلایەنەی ئێران و کۆماری ئازەربایجان لەگەڵ وڵاتانی تر لەوان ڕوسیا، تورکیا و گورجستان، یارمەتی دەداتە پەرەسەندنی سەقام لە ناوچە.
