ئەرتەشی کۆماری ئیسلامیی ئێران، پەلاماری مووشەکیی ئەمریکا و هاوپەیمانانی بۆسەر سوریای ئیدانە کرد و ئەوەی لەبەر شکست و لاوازی ئیستکباری جیهانی وەسف کرد .

ئەرتەشی کۆماری ئیسلامیی ئێران ڕۆژی یەکشەممە بە  دەرکردنی بەیاننامەیەک  پێداگری کرد  : پەلاماری مووشەکیی ئەمریکا، بەریتانیا و فەرەنسا بۆسەر سوریا  بە بیانووی پڕوپووچی کەڵک وەرگرتنی دەوڵەتی سوریا لە چەکی شیمیایی ، نموونەی ئاشکرای داکۆکی کردن و پشتیوانی کردن لە تاقمە تیرۆریستییەکانە.

ئەم بەیاننامەیە  وتیشی :  کاربەدەستانی ئەمریکا ئێستاکە ئیدیعای  درۆیی کەڵک وەرگرتنی  دەوڵەتی سوریا لە چەکی شیمیاییان  خستە ئاراوە کە بۆ خۆیان دابین کەری  سەرەکی چەک بۆ کوشتنی  خەڵکی یەمەن و لە  هیچ تاوانکارییەک لە ئەفغانستان  درێخی  ناکەن  . 

سوپای ئێران لەم بەیاننامەیەدا  وێڕای بێ ئەنجام زانینی  پەلاماری سێ گۆشەی ئەمریکا، بەریتانیا و فەرەنسا بۆسەر سوریا، ئەوەی  لەبەر سەرکەوتن و پاوەجێیی بەرەی موقاومە و خەڵکی خۆڕاگری سوریا زانی کە جارێکی تر ڕواڵەتی نامرۆیی و خووخدەی  دەستدرێژکارانە و دوور لە مەنتقی  ئیستکبار بەسەرکردەیی دەوڵەتی ئەمریکای، خستە ڕوو  . 

ئەرتەشی کۆماری ئیسلامیی ئێران هەروەها لەسەر وشیاری، هاوکاری و یەکگرتوویی موسوڵمانان و ئەرتەشەکانی ناوچە بە ئامانجی  پەرەپێدان و بردنەسەری ئاستی دەسەڵاتی بەرگریکارانە لە بەرامبەر  تیرۆریزم و لایەنگرانیان، پێداگری کرد  . 

ئەمریکا هاوڕێ لەگەڵ  فەرەنسا و بەریتانیا  بەیانی ڕۆژی شەممە بە بیانووی پەلاماری شیمیایی لە دوومای سوریا، زۆرتر لە سەد مووشەکیان ناوە لە ناوچە جۆربەجۆرەکانی سوریا. ئەم تاوانکارییە بێ  موڵەتی  ئەنجومەنی ئاسایشی نەتەوەیەکگرتووەکان  ئەنجام بووە.