ئیمزاکرانی دوو سەنەدی هاوکاریی هاوبەش لەنێوان ئێران و ئەرمەنستان
شوبات 27, 2019 16:30 Asia/Tehran
بەئامادەبوونی سەرۆکی کۆماری ئیسلامیی ئێران و سەرۆک وەزیرانی ئەرمەنستان، دوو سەنەدو یادداشتی تەبایی هاوکاریی هاوبەش لەنێوان بەرپرسانی دوو وڵات لەتاران مۆرکرا.
بەپێی ڕاپۆری ماڵپەڕی ڕاگەیاندنی سەرۆک کۆماریی، یادداشتی تەبایی هاوکاریی لە نێوان ڕێکخراوی نیشتمانیی ستانداردی ئێران و وەزارەتی گەشەی ئابووری و سەرمایەنانەوەی ئەرمەنستان و سەنەدی هاوکاری لەنێوان ئەنجومەنی باڵای ناوچە ئازاد-و سەنعەتییەکان وناوچە تایبەتە ئابوریەکانی ئێران و وەزارەتی گەشەی ئابوری و سەرمایەنانەوەی ئەرمەنستان دوو سەنەدێک بوون کە لەلایەن بەرپرسانی دوو وڵات مۆر کرا.
"نیکۆل پاشنینیا" سەرۆک وەزیرانی ئەرمەنستان بۆ دیدار و وتووێژ لەگەڵ بەرپرسانی ئێرانی ئەمڕۆ چوارشەممە گەیشتە تاران و لەلایەن حەسەن ڕۆحانی سەرۆکی کۆماری ئیسلامیی ئێران پێشوازیی لێکرا.
