دیداری زەریف ولاڤۆرۆف ،ڕێزگرتنی ڕووسیا لە پشوودرێژەی ئێران لە هەمبەر بەرجام
وزیری کاروباری دەرڤەی ئێران و وەزیری کاروباری دەرڤەی ڕووسیا ئەمڕۆ چوارشەممە لە مسکۆ دیدار وچاوپێکەوتنیان کرد ولەمەڕ پرس ومەسەلەکانی دوولایەنە وناوچەیی وتووێژیان کرد.
محەممەد جەوادی زەریف وەزیری کاروباری دەرەوەی ئێران لە دیدار لەگەڵ سرگئی لاڤۆرۆف وەزیری کاروباری دەرەوەی ڕووسیا بە ئاماژەدان بە دەوروگرینگایەتی پێوەندی تاران - مسکۆ وتی: لە نێوان وڵاتانی بەجێ ماو لە بەرجام ، بڕێک لە وڵاتان لەوان ڕووسیا بۆ ئێران گرینگایەتی تایبەتی هەیە . زەریف وتی: ئێران ورووسیا لە یەک ساڵی ڕابردوو ودوای چوونەدەری ئەمریکا لە بەرجام پێوەندی زۆر باشیان هەبووە، بەڵام بەداخەوە ئوروپا هیچ کردەویەکی ئەنجام نەدا. وەزیری کاروباری دەرەوەی ئێران بە ڕاگەیاندنی ئەمەکە هەڵگری نامەیەکە لە لایەن حەسەن ڕۆحانی سەرۆک کۆماری ئیسلامی ئێران بۆ ڤێلادێمیر پۆتین سەرۆک کۆماری ڕووسیا لەمەڕ بڕیاری تاران لە مەڕ بەرجام وتی: دۆخ و ڕەوشی هاوکاری وچۆنیەتی پێوەندی هەموو وڵاتان لە گەڵ ئێران یەکسان نیە. "سرگئی لاڤۆرۆف" وەزیری کاروباری دەرەوەی ڕووسیایش لەم دیدارەدا بە ڕێزگرتن لە هۆگری ئێران بە پێبەند بوون بە بڕیارنامەکانی ئەنجومەنی ئاسایشی ڕێکخراوی نەتەوە یەکگرتووەکان ڕایگەیاند : ڕووسیا ڕێزی زۆر قایلە بۆ سەبر وپشودرێژی ئێران . لاۆرۆف وتیشی: ئاکار وڕەفتاری واشنتۆن لە هەمبەر بەرجام بەدی هێنەری پرس گەلێکە کە لەمەڕ ئەم رێککەوتنە بەدی هاتووە. سەرۆک کۆمار ئیسلامی ئێران ئەمڕۆ چوارشەممە نامەیەکی بۆ سەرۆک وڵاتانی بەجێ ماو لە بەرجام وەکوو ڕووسیا ، فەرانسە ، ئینگلیز ، چین وئاڵمانیا نارد. حەسەن ڕۆحانی لەم نامەیەدا کردەوەکانی ئێران لە وەڵام بە پەیمان شکینی ئەمریکا وکردەوەی بە پێچەوانەی یاسا وڕێسای نێودەوڵەتی ئەم وڵاتەی لێکدایەوە ووتی: وڵاتانی بەجێ ماو لە بەرجام شەست ڕۆژ دەرفەتیان هەیە وادەو بەڵێنەکانی خۆیان لە بەرجام جێ بەجێ بکەن.
