روحانی : ئێران لە رێککەوتنی ناڤۆکیدا لەسەر بەڵێنی خۆی مایەوە
سەرۆکی کۆماری ئیسلامیی ئێران گوتی : ئێران لە رێککەوتنی ناڤۆکیدا بەردەوام لەسەر بەڵێنی خۆی مایەوە و هەرگیز لای نەدا .
بەپێی راپۆرتی ئیرنا ، حەسەن روحانی سەرۆکی کۆماری ئیسلامی ئێران رۆژی یەکشەممە لە پرێس کۆنفڕانسی شورای ئیداریی پارێزگەی خوڕاسانی باکوور بە ئاماژە بەوەی کە رێککەوتنی ناڤۆکی سەرکەوتنی گەورەی سیاسی و ئەخلاقیی ئێرانە و دەسەڵاتی سیاسی و مافەوانیی ئێران لە رێککەوتنی ناڤۆکیدا بە دونیا سەلمێندرا ، وتیشی : ئەگەر رێککەوتنی ناڤۆکی بە زیانی ئێران بوو ، ئەمریکا 14 مانگ لەمەوبەر لێی نەدەکشایەوە .
سەرۆک کوماری ئێران گوتیشی : ئەمریکا 12 ساڵ بانگەشەی ئەوەی کرد کە ئێران بە نهێنی بۆمبی ناڤۆکی سا ز دەکات و کاری نایاسایی دەکات بەڵام ئاژانسی نێودەوڵەتی وزەی ئەتۆمی رایگەیاند کۆماری ئیسلامیی ئێران بە دوای چەکی ئەتۆمیدا نەبووە و نیە .
روحانی ئاماژەی کردە نمایشی دەسەڵاتی ئێران لە زۆر گۆڕەپانی نێوەدەوڵەتی و گوتی : کۆماری ئیسلامیی لە شەڕی داسەپاوی 8 ساڵەی سەدامی دیکتاتۆری نەماوی عێراق دژی ئێران توانایی بەرگریی و لە دانوستانی ناڤۆکیدا ، دەسەڵاتی سیاسی و مافەوانیی خۆی نیشاندا .
