کاردانەوەی توویتەریی ماڵپەڕی رابەری باڵای شۆڕشی ئیسلامیی بە شکستی ھێنانی ترەمپ و سەرکەوتنی جۆ بایئن
ئەکاونتی تویتەریی ماڵپەڕی نوسینگەی پاراستن و بڵاوکردنەوەی رابەری باڵای شۆڕشی ئیسلامیی کاردانەوەی نیشاندا بە شکستی ھێنانی دوناڵد ترەمپ و سەرکەوتنی جۆ بایدن لە ھەڵبژاردنی سەرۆک کۆماریی ئەمریکا .
پەڕەی ئینگلیسیی ئەکاونتی ماڵپەڕی نوسینگەی پاراستن و بڵاوکردنەوەی رابەری باڵای شۆڕشی ئیسلامیی نووسی ، رەوشی ئەمریکا و ئەوەی کە خۆیان لە بارەی ھەڵبژاردنەکانی خۆیان دەیڵێن ، شانۆیەکە و بەس .
لە درێژەی پەیامەکەدا ھاتووە ، ئەوە نموونەیەکە لە سیمای کرێت و دزێوی لیبراڵ دیموکراسیی لە ئەمریکا ، جیا لە ئەنجامەکەی ، شتێک تەواو ئاشکرایە ئەویش کەوتن و ھەرەسبردنی دواجاری سیاسی و مەدەنی و ئەخلاقیی رژێمی وڵاتە یەکگرتووەکانی ئەمریکا .
ئێوارەی شەممە میدیا ئەمریکیەکان لەوان سی ئێن ئێن ، فاکس نیوز ، سی بی ئێس ، ئاسۆشێتدپرێس و نیۆیۆرک تایمز بە ئاماژە بەوەی کە بایدن توانیویەتی 290 دەنگی ئێلێکتراڵ بەدەست بێنێ ، ئەویان بە سەرکەوتووی ھەڵبژاردنی سەرۆک کۆماریی ئەمریکا راگەیاند .
