راگرتنی گەمیەکی کۆریای باشوور لە لایەن ھێزی دەریایی سپای پاسداران لە کەنداوی فارس
کانونی دوھەم 04, 2021 17:59 Asia/Tehran
ھێزی دەریایی سپای پاسدارانی شۆڕشی ئیسلامیی باسی دەستبەسەرداگرتنی گەمیەکی کۆریای باشوور دەکات بە ھۆی پێشێلکردنی رێکارە ژینگەییەکان لە کەنداوی فارس .
پێوەندیە گشتیەکانی سپای پاسدارانی شۆڕشی ئیسلامیی ئێران رۆژی دوشەممە لە ئاگاداریەک دا رایگەیاند : گەمیەکی کۆریای باشوور کە لە بەندەری جوبەیلی عەرەبستان لە کەنداوی فارسەوە لە جوڵەدابوو ، بە ھۆی پێشێلکردنی بەردەوامی یاسا و رێساکانی ژینگەی دەریایی لە لایەن ھێزەکانی زولفەقاری ناوچەی یەکەمی دەریایی سپای پاسداران راگیرا .
ئاگاداریەکە دەڵێ : ئەم گەمیە بە ئاڵای کۆریای باشوور بە ناوی ھانکوک چیامی ھەڵگری 7 ھەزار و 200 تەن مادەی شیمیایی نەوتی بووە .
ستافی گەمیەکە لە نەتەوەکانی کۆریای باشور ، ئەندونزیا ، ڤیەتنام و میانمارن و دۆسیەکە بۆ قۆناغی یاسایی رادەستی ناوەندە دادڤانیەکان دەکرێ .