خەتیب زادە : دۆسیەی گەمیەکەی کۆریای باشوور لە قۆناغی دادڕەسی دایە
وتەبێژی وەزارەتی دەرەوەی ئێران گوتی : دوسیەی گەمیە کۆریەکە کە بەھۆی پیسکردنی ژینگەی کەنداوی فارس ، لەسەر فەرمانی کاربەدەستی دادڤانی راگیراوە ، لە قۆناغی پێڕاگەیشتنی دادڤانی دایە.
سەعید خەتیب زادە رۆژی شەممە لە وڵامی پرسیاری ھەواڵنیران لە بارەی دۆسەی گەمیەکەی کۆریای باشوور کە بە ھۆی پیسکردنی ژینگەی کەنداوی فارس بە فەرمانی کاربەدەستی دادڤانی راگیراوە ، گوتیشی : ھەڵوێست و بڕیارەکانی ھێزی دادڤانیی ئێران تەنیا لە رێگەی وتەبێژی ئەم ھێزەوە رادەگێندرێ و لێدوانی کەسانی نابەرپرس لەمبارەوە نرخێکی نیە .
وتەبێژی وەزارەتی دەرەوەی ئێران جەختی کردەوە : ھەر بڕیارێک لە بارەی گەمیە کۆریەکە دەگەڕێتەوە بۆ بۆچوونی کاربەدەستی بەڕێزی دادڤانی .
ھێزی دەریایی سپای پاسدارانی شۆڕشی ئیسلامیی دوشەممە چواری ژانیڤەری رایگەیاند گەمیەکی کۆریای باشووری بە ناوی تیجاریی "هانکوک چیمی" HANKUK CHEMI ھەڵگری 7 ھەزار و 200 تەن مادەی شیمیایی بە ھۆی پێشێلکردنی پرۆتۆکۆلەکانی ژینگەیی لە کەنداوی فارس گرتووە .
ئەم گەمیە ئێستا لە بەندەر عەباسی باشووری ئێران راگیروە .
